Hidup orang bersara ani rupanya boring. Hidup harian ani mesti jua diisi dengan aktibiti yang berfaedah, mun inda pengsan, menalor. Apanah... kerja ah, RTB (Rehat Tidur Berjaur), RTM (Rehat Tidur MaKAN). aPA nda belurih Pingat PJK (Perut Jauh Kedepan), darah ikut-ikutan tia jua naik... untung Doktor Private, apa nda, mebuat kad melapor sakit sudah kan hampir $30 alum lagi tu brader.
Iatah Blog ani sebahagian aktibi ku keraja. Dalam blog ani ingin ku kongsikan keboringan ku. Bercerita tah ku ni... ikuti perkembangan blog ku ani. Time tarikh tamat bekeraja atu siuk, tapi sekali melintas orang mengambil duit di bank, terkanang musim begaji, aku julur-julur lidah tais liur kan mengambil tapi diri nda lagi menerima gaji, iatah start ku boring. Atu ok masih, boleh kontrol jiwa, tapi sudah masuk bulan ke dua atu panat eh,... surat bank, bil letrik, air dsb.. jgn tah luan detail,.... betali arus si awang posmen nghantar ke rumah. Boleh dikatakan posmen inda ia payah beunjar alamat, hafal ia wah ...nama ku atu.. atu banyak hutang.
Kan bejalan minyak keita lagi, alum lagi anak kan membawa singgah ke kadai.. hidup ku karang ani bukan macam dulu, kan besigup pun menghampiri orang, janji mencium asap sigup.. jadi lah daripada mencium ketiak indon di mall. Iatah tahap keboringan ku, bayangkan saja, hari-hari miatu tah rutin perjalanan hidup ku. Di rumah... melihat TV, prog tempatan, astro kana bar, parabola nda tebali, last2 mendengar lagu mahluk Tuhan paling seksi, penyanyi indon Mulan Jamela atu pun dari ringtone mobile... eh sakittt... parah banar. Kan call kawan, fikirnya kan minjam duit, tarau2 bunyi tel, haram nda mejawab udah pun kredit low, sen sen tinggal, dst beulah tah jua kan menyuruh top up. miscal pun nda dapat, ada tah warning dst tu.
Ada tah duit anak, kana bagi oleh babunya pakai belanja sekolah, atu pun dihutang pakai membali minyak kereta, manakan tahan mun kan bejaruk saja dirumah, kulit putih pasal nda kana tepancar matahari tapi poket kosong.
Iatah pasan ku yang kitani orang biasa ani brother, simpan2 tia duit atu untuk hari bersara, mun tahap keboringan lagi parah, mental kali, jangan sampai hilang ingatan. Jumpa lagi, nanti2 ku bercerita.. banyak lagi ni kisah ku ani.. bah atu saja. ani kan mendengar lagu Mulan Jamela ku lagi...
Tiada ulasan:
Catat Ulasan